Основните прехранбени производи се продаваат без ДДВ
Нула ДДВ за основните прехранбени производи почнува од денеска. Граѓаните со самото купување на некој од прехранбените производи можат на издадената фискална сметка да проверат дали ДДВ-то е нула за купениот производ. Согласно владината одлука граѓаните не треба да плаќаат ДДВ, за купен бел леб, шеќер, брашно тип 400, масло од сончоглед, млеко со масленост од 2 проценти, 3,2 проценти и 3,5 проценти, месо, ориз и свежи јајца.
Управа за јавни приходи:
Леб
Бел шеќер
Брашно тип 400
Масло од сончоглед
Млеко со маснотии од 2,%, 3,2% и 3,5%
Месо
Ориз
Други свежи јајца
За овие прехранбени производи ДДВ-то претходно беше 5 проценти. Мерката со нула ДДВ- ќе важи до 31 мај, а владините очекувања се дека со намалувањето ќе направи надолен притисок врз цените на овие производи.
