Нема потреба од дополнителни мерки за Делта сојот – Филипче: Нема податоци дека овој сој е проширен кај нас
Состојбата со корона вирусот и Делта сојот е мирна и стабилна. Комисијата за заразни болести утрово не препорачала дополнителни рестриктивни мерки а нема податоци дали делта сојот е проширен или не во нашата земја.
Во нашава земја до сега имаше само 2 позитивни случаи со Делта сојот и тоа кај две лица кои се вратиле од Ирак. Комисијата за заразни болести рече дека внимателно ја следат состојбата.
„Се дискутираше за Делта сојот во земјава, регионот и светот. Ги следиме препораките на СЗО и ЕУ. Нема конкретни одлуки, но состојбата се следи внимателно.“, е ставот на Комисијата.
Делта сојот веќе е регистриран во неколку земји од регионот како во БиХ, Грција и Србија, во меѓувреме кај нас важи мерката 14 дневен карантин за патниците од Индија.
Ве молиме следете не и стиснете лајк:
