Во Општина Кисела Вода успешно започна учебната година
Денеска во Општина Кисела Вода во општинските основни училишта со детски песнички и ведрина на лицата на учениците започна новата учебна година.
Согласно планот за реализација на наставата и протоколот за постапување за безбеден образовен процес, за учениците од прво до трето одделение часовите се одвиваа во посебни услови. За другите ученици часовите ќе се изведуваат преку националната платформа за учење од далечина.
Осумте општински основни училишта примија вкупно 636 првачиња.
Градоначалникот на Општина Кисела Вода, Филип Темелковски во свое име и во име на општината на сите ученици во државата им посакува учебна година исполнета со радост, одлични оценки и многу успеси. Градоначалникот Темелковски посакува детската смеа да доминира насекаде.
