СОНК се закани со генерален штрајк ако не се усогласат сите плати во образованието
Голем масовен протест или штрајк, поради игнорирање на барањата за зголемување на платите во образованието и градинките, најави првиот човек на СОНК Јаким Неделков.
Ниту средбите со Министерството за образование и наука, и преговорите во Владата не вродиле со исполнување на нивните барања, па дури ни средбите со Министерството за труд и социјална политика за усогласување на платите во дејноста детска заштита.
„ДЕСЕТ РАЗЛИЧНИ РАБОТНИ ПОЗИЦИИ СОГЛАСНО КОЛЕКТИВНИОТ ДОГОВОР СЕ ПОИСТОВЕТУВААТ, ЗА ДЕСЕТИНА, ПЕТНАЕСЕТ ДЕНА ЌЕ ЗЕМАТ ИСТА ПЛАТА. ВО ОСНОВНО ОБРАЗОВАНИЕ СЕ РАБОТИ ЗА ПЕТ РАБОТНИ ПОЗИЦИИ СО РАЗЛИЧНИ КОЕФИЦИЕНТИ И РАЗЛИЧНА СЛОЖЕНОСТ НА РАБОТНИ МЕСТА ЌЕ ЗЕМААТ ИСТА ПЛАТА И ВО СРЕДНОТО ОБРАЗОВАНИЕ ЧЕТИРИ РАБОТНИ ПОЗИЦИИ СО РАЗЛИЧНИ КОЕФИЦИЕНТИ НА СЛОЖЕНОСТ ЌЕ ЗЕМАТ ИСТА ПЛАТА“ – ВЕЛИ ПРЕТСЕДАТЕЛОТ НА СОНК, ЈАКИМ НЕДЕЛКОВ.
Барањата за усогласување на платите на вработените ги скараа СОНК и ССМ кои влегоа во меѓусебни обвинувања.
Првиот човек на СОНК, Јаким Неделков го обвини Сојузот на синдикати дека поради блискоста со Владата реализирале дел од нивните барања.
„ШТО СЕ ОДНЕСУВА ДО ССМ ГЛЕДАМЕ ДЕКА ССМ ЈА ИСКОРИСТИ ПОЗИЦИЈАТА ЕДИНСТВЕН РЕПРЕЗЕНТАТИВЕН СИНДИКАТ ШТО Е ПОД ОГРОМЕН ЗНАК ПРАШАЛНИК ДАЛИ Е РЕПРЕЗЕНТАТИВЕН НА НАЦИОНАЛНО НИВО“ – ВЕЛИ НЕДЕЛКОВ.
Го потсетуваме Јаким Неделков дека борбата за повисоки плати во образованието не е со ССМ и работниците туку со надлежните министерства, реагираат од Сојузот на синдикати на Македонија.
„ВО СЛУЧАЈОТ НА ОБРАЗОВАНИЕТО ТОА ЗАВИСИ ОД ЈАКИМ НЕДЕЛКОВ КАКО ПРЕТСЕДАТЕЛ НА СОНК КОЈ НЕ ТРЕБА ДА СЕ ВАДИ НА ССМ ТУКУ ПРВО ТРЕБА ДА ОБЈАСНИ ЗОШТО ДОСЕГА СО НЕГОВИОТ ПОТПИС НЕ ИМ СЕ ЗГОЛЕМУВАЛЕ ПЛАТИТЕ НА РАБОТНИЦИТЕ ВО ОБРАЗОВАНИЕТО, А АКО ДОСЕГА НЕ ГО ОБЕЗБЕДИЛ ЗГОЛЕМУВАЊЕТО, ГО ПОВИКУВАМЕ СЕГА ДА СИ ГО ОБЕЗБЕДИ КАКО ПРАВО ЗА РАБОТНИЦИТЕ. РАБОТНИЦИТЕ КОИ СЕ ВО ОБРАЗОВАНИЕТО ТРЕБА ДА ЗНААТ ДЕКА БИЛЕ МАНИПУЛИРАНИ ОД СОНК И ГО ПОВИКУВАМЕ НАМЕСТО ДА КУКА ДА СИ ЈА ЗАВРШИ РАБОТАТА ЗА КОЈА Е ИЗБРАН“ – РЕАГИРААТ ОД ССМ.
Јаким Неделков најави дека последна шанса за договор е претстојниот состанок на Економско социјалниот совет во Владата кој ќе се одржи следната недела, а со кој ќе заседава премиерот Димитар Ковачевски
