Рашела Мизрахи предложена за претседател на анкетната комисија за случајот онкологија
Собраниската комисија за избори и именувања го утврди составот на анкетната комисија која ќе треба да лоцира политичка одговорност за случајот со Клиниката за онкологија. Рашела Мизрахи од пратеничката група на ВМРО-ДПМНЕ ќе раководи со комисијата. Според одлуката, анкетната комисија ја сочинуваат 13 членови и нивни заменици
Пратениците пак со една цел, велат се надеваат на единство и соодветна завршница.
Одлуката за основање на Анкетната комисија беше донесена на 20ти месецов, претходно Јавното обвинителство отвори предистражна постапка откако во медиумите се прошири информацијата дека имунолошката терапија за онколошките пациенти, дел од вработените на Онкологија ја краделе и препродавале на црниот пазар.
Од ОЈО пак велат дека во моментов нема нови информации кои можат да се споделат во јавноста, а според последното соопштение остварен е контакт со обвинители од Косово.
