Откриено кога ќе го пуштат Вучиќ од болница – Останува закажаната средба со Пендаровски
Beograd, 24. maja 2019. - Predsednik Republike Srbije Aleksandar Vucic primio je decu ucesnike Svesrpskog decjeg sabora. FOTO TANJUG/ SAVA RADOVANOVIC/ bg
Претседателот на Србија, Александар Вучиќ е во добра здравствена состојба и останува закажаната средба за в петок со македонскиот претседател Стево Пендаровски, потврдуваат за ТВ21 од двата кабинети на претседателите.
Според информации на ТВ21, стабилна е здравствената состојба на Вучиќ и во текот на утрешниот ден ќе биде пуштен од болница.
За потсетување, Александар Вучиќ вчера беше итно хоспитализиран поради проблеми со срцето.
Српскиот претседател бил примен на Воено-медицинската академија во Белград, соопшти Генералниот секретаријат на Претседателот на Србија, а веста рано наутро ја објавија сите српски медиуми.
На Вучиќ вчеравечер нагло му се слошило откако беше на разгледување на проектот „Белград на вода”.
