НОВИ ЦЕНИ НА ГОРИВАТА, НОВИ АНТИКРИЗНИ МЕРКИ
На повидок нови антикризни мерки за ублажување на ценовниот шок за граѓаните, а од полноќ и нови цени на горивата. Бензините ќе се точат за половина денар поевтино, а дизелот за еден денар поскапо.
Цени на нафтени деривати:
„Еуросупер БС 95 ќе се продава за 79 денари за литар
Еуросупер БС98 за 81 денар за литар
Дизел за 77 денари за литар
Екстра лесното масло за домаќинство за 73,5 денари за литар
Мазут за 52,3 денари за килограм“
Во економија пак се прават и последните анализи има простор за нови антикризни мерки. На маса се разгледува опцијата за целосно укинување на дел од царинските давачки. На утрешната владина седница ќе се разгледува каков ефект даваат сегашните мерки за ограничување на маржи на трговците на големо и мало и укинувањето на ДДВ-то. Дел од трговците, пак кои не ги почитуваат постојните мерки веќе се соочуваат со санкции.
Економската криза и бранот поскапувања – дел од компаниите се потешко ја минуваат. Дел од стопанствениците бараат да бидат вклучени во носење на идни мерки за спас од кризата.
На почетокот на месец март Владата донесе сет од 26-мерки за заштите на граѓаните и компаниите од ценовни шокови. Целиот пакет антикризни мерки тежок 400 милони евра – вклучува даночни ослободнувања, намалувања, замрзнувања на маржи, еднократни ваучери.
Од опозициската ВМРО-ДПМНЕ обвинуваат владините антикризни мерки се само на хартија.
Мерките се донесоа во услови на растечка инфлација. Официјално се уште нема нова прогноза за првото полугодие, но првичните пресметки покажуваат смирувања со што таа ќе се движи околу 3,4 порценти.
