Нова страница за информации

Кварталниот извештај на Тесла може да му донесе уште седум милијарди долари на Маск

Кварталниот извештај на компанијата Тесла, кој ќе биде објавен подоцна денеска, може да му донесе уште најмалку седум милијарди долари на главниот извршен директор на компанијата Илон Маск.

Водечкиот производител на електрични автомобили ќе ги презентира резултатите за последното тримесечје од 2020 година, по речиси 700 проценти раст на цената на акциите во последните 12 месеца, што може да го претвори со петтата најскапа американска компанија со која јавно се тргува, претекнувајќи го Фејсбук.

И покрај тоа што произведува и продава само дел од автомобилите кои ги реализираат гиганти како Тојота, Фолксваген или Џенерал Моторс, Тесла стана убедливо највредниот светски производител на автомобили, со пазарна капитализација од 843 милијарди долари, во споредба со Тојота со 236 милијарди долари.

Откако испорача речиси 500 илјади автомобили во 2020 година, експертите од компанијата за годинава очекуваат испорака на околу 900 илјади возила. јт/

Пало Алто, 27 јануари 2021 (МИА)

Please follow and like us:
fb-share-icon

About Post Author

Copyright © Sekerko All rights reserved. | Newsphere by AF themes.
Social media & sharing icons powered by UltimatelySocial