Во трговски центар во Белград со вакцината даваат и пари и бонови (ВИДЕО)
Во трговскиот центар Ушќе во Белград денеска беше отворен пункт за вакцинирање, сите што сакаат може да се вакцинираат без најава, а може и да избираат од достапните вакцини. Првите 100 добиваат и подароци, пишува Блиц.
За дополнително мотивирање на граѓаните, оние што ќе се вакцинираат денес, утре и в сабота ќе добијат подароци.
Така, денес, првите 100 вакцинирани лица ќе добијат бон во вредност од 3.000 динари, или околу 1.500 денари, за купување во овој трговски центар. Оваа акција продолжува утре, кога првите 50 вакцинирани ќе добијат ваучер, но вреден 5.000 динари (околу 2.500 денари) за купување во продавниците на Фешн&френдс, а првите 100 вакцинирани во сабота ќе добијат подарок-пакет од компанијата БГ електроник. Претседателот на Србија, Александар Вучиќ, вчера најави дека секој што се вакцинирал ќе добие на подарок 25 евра.
