Актуелно Балкан Вучиќ на тешки маки: По големите отстапки за Косово сега од Белград се бара да воведе санкции против Лукашенко!

Портпарол на ЕУ, Петар Стано: Од Србија се очекува да ја усогласи својата надворешна политика со политиката на Европската унија. Знаете дека е ваша одговорност, им порача тој на српските власти.

Европската унија, по страшниот притисок врз Србија, затоа што пред една година испланира заеднички воени вежби со белоруската и руската армија, бара од Белград да воведе санкции за официјален Минск и претседателот Александар Лукашенко!

Петар Стано, портпаролот на ЕУ, вели дека од Србија, како земја во процес на влез во ЕУ, се очекува да ја усогласи својата надворешна политика со политиката на ЕУ. Според него, тоа ги вклучува и најавените санкции против одговорните за насилството во Белорусија.

Стано вели дека официјалните лица во Брисел се надеваат дека наскоро ќе ги видат најавените европски санкции против одговорните за неприфатливата репресија во Белорусија.

Очекуваме земјите во процесот на пристапување во ЕУ да направат напредок во усогласувањето на нивните политики со политиките на ЕУ. Тоа не се доведува во прашање. Усогласувањето со надворешната политика на ЕУ е една од обврските во процесот на пристапување, а земјите кои се во тој процес тоа добро го знаат, посочува Стано.

Оваа изјава доаѓа веднаш по страшниот притисок од Брисел поради воената вежба „Словенско братство 2020“, во која требаше да учествува Србија заедно со белоруската и руската војски. Резултат на тој притисок беше одлуката на Владата дека српската армија период од шест месеци ги прекинува сите воени вежби и активности со сите странски војски.

Тоа е единствениот начин Србија да ја зачува позицијата на воена неутралност, што го потврди и Собранието на Србија, објасни тогашниот министер за одбрана Александар Вулин.

Ве молиме следете не и стиснете лајк: